Nós

Ab Origine é unha empresa que ofrece servizos integrais en antropoloxía, produción e xestión cultural. O noso equipo conta cunha dilatada e contrastada experiencia nos eidos de investigación antropolóxica, etnográfica e histórica, na formación e divulgación, na posta en valor do patrimonio, na creación e xestión de contidos e produtos culturais, na intervención social e no traballo con entidades de carácter social e cultural.

Dende o inicio Ab Origine tivo sempre como obxectivo fundacional non só dedicarse a cuestións relacionadas coa investigación e a xestión no eido das culturas e sociedades senón tamén apostar pola divulgación, a socialización do coñecemento e a creación e deseño de contidos culturais. É por iso que quixemos abrir unha vía editorial para dar saída e voz propia á multitude de xentes, materiais e proxectos que pasan polas nosas mans e que se centran nos campos da antropoloxía, a etnografía, a historia e a arqueoloxía.

Así nace Ab Origine Edicións, o noso selo editorial onde, ademais de edición e publicación, ofrecemos servizos de redacción, corrección, deseño e maquetación. Ademais de todo isto, co noso selo Ab Origine Producións, realizamos tamén traballos de produción audiovisual, documentais de longa duración, curtametraxes, vídeos ou animación en 3D. Sempre co fío condutor da antropoloxía, a historia e a posta en valor do patrimonio.

Para calquera pedido ou consulta podes escribirnos un correo electrónico a info@aborigine.es ou ben achegarte pola nosa oficina na rúa San Roque, nº4, en Pontevedra.

A empresa Ab Origine. Antropoloxía, produción e xestión cultural foi certificada co selo de calidade ASAEE, da Asociación de Antropología del Estado Español (ASAEE). N.º certificado: ASAEE 01-2021